basa mimiti apal uing nyaluyuan si cikal ijin mulang ti pondok, indung budak geus nganaha-naha. hariwang cenah bisi teu betah ari mindeng balik teh. inyana mah apaleun 'suasana kebatinan' samodel kitu da puguh sarua baheula umur sakitu geus diperenahkeun mondok di ciamis.
kajadian pisan, mimiti ruyang reying tuluy ngadon nginghak.hayang pindah kadieu pajar teh. satekah polah dilelelemu. nu dipalar ambeh diajar boga kasadaran jeung tanggung jawab kana dirina, kana konsekwensi pilihan. pan asalna lain karana dipaksa da sasat manehna sorangan nu ngamimitian kedal ucap hayang sakola di tatar jawa wetan.
baheula ge basa rek mimiti asup tk, geus rungsing embung asup. dilelemu, diajak ngurilingan serang cikarang. tuh cengteh tingali aya nu baramaen jste. hayang siga kitu? katalangsara alatan teu nyakola?
budak gideug nu ahirna leah.daek sakola. nepi ka teu karasa bisa tamat smp. alhamdulillah.
puguh beurat na mah nataku.melang ringrang hariwang jauh ti budak. tapi nya dipaksakeun da pangrasa mah alus jang pikahareupeun manehna. babakuna mah hayang sina diajar macakal mandiri najan enya ge di dituna estuning sagala diladenan. dahar kari am pake kari rap. keun bae ari sual nu kararitu mah da meureun geus lain jamanna cicing di kobong bari sagala walurat. jauh ti kolot ge geus pasti jadi bangbaluh. nu dipalar ambeh husu sakoa kitu deui ngaji. sangkan jaga kahareupna budak boga cecekelan hirup, paling copel jang sadirieun manehna sukur sukur sing bisa nyaangan batur.
tiket nu kuduna dipake miang tadi subuh kapaksa jadi gaplah teu kapake. ayeuna ngotektak tiketdotcom sugan bisa keneh ngudag jadwal pangterehna nu bisa kaudag. eta ngumaha ka dulur, cep ule sina maturan sakalian nganteur.
"jang... hirup teh teu gampang......."
Saturday, August 29, 2015
Subscribe to:
Post Comments (Atom)
No comments:
Post a Comment