hayang wakca balaka asa can kawasa

beuki nyerelek. ka nu anyar geus maheutkeun. tanggal duahiji jangji pasini kuring matri diri ngabakti jadi kuli sugan ngajadi.

ti awal mula keneh geus mimiti malapah gedang nyiar pijalaneun geusan kedal. orokaya dunungan kalah ngajak padungdengan ngeunaan pikahareupeun pausahaan. tiheula geus pok,"asa pabaliut pagawean barudak purchasing. bulan hareup bareng jeung reshuffle struktur anyar, diasupkeun kana kontrol ilaing sakalian nyah?" kuring ukur tabe.
"pagawean bakal paciweuh. proyek anyar loba keneh nu can kagarap, ilaing kudu tatahar ti ayeuna keneh. gambatte kudasai ne...!"
basa tgl 12 di menara batavia sachou kabeneran jadi one of 3 speaker dina acara automotive gathering "challenge of automotive, impact of AFTA". uing ngiluan nyusun materi presentasina. bari ngudud, pok deui pok deui ngomongkeun pikahareupeun. atuh puguh pating seredet kana hate, ngabayangkeun inyana bakal ditinggalkeun ku anu pundung.

asa beurat puguh ge dek pileuleuyan teh. nineung. da puguh geus asa jadi imah kadua. malahan mah waktu teh loba keneh dibeakkeun di PT batan di imah. asa waas dek ninggalkeun tempat gawe nu kuring kungsi milu ngarorok ngarasanan, kitu deui sabalikna loba pisan barokahna ti ieu PT ka kulawedet kuring, babaturan,babaturan,babaturan,babaturan,babaturan, alo,alo, adi,adi,anak guru.

tilu taun katukang,november 2003 dihiapkeun ku pran-san kuring mimiti gawe, di engineering. tilu bulan ti harita, bareng jeung tataharna project d38a neng xeni, pirajeunan mantuan nyusun estimasi capacity study. heug teh kaanggo ku sachou. "geus we atuh nyaneh nu nyekel ppc teh," cenah.

harita langsung dibenum jadi section head, ngabawah leader material cont,kanban cont,f/g cont jeung delivery cont. nu ngaranna jelema anyar langsung mapakan malah ngalindih pagawe heubeul tinangtu wajar lamun loba nu teu sapagodos. bubulanan gawe militan mondok moek ngaleukeunan widang nu anyar pisan nyahona. pagawe heubeul dideukeutan, komo nu neugtreug terang2an wangkelang mah. sanajan saba2raha kali ampir kapohoan make jalan heuras, alhamdulillah lolobana mah bisa dileahkeun make personal approach, buddy method. all treated as partner najan orokaya fellowship siga kieu aya ripuhna oge. lian ti masalah gawe, teu arang barudak curhat urusan personal oge. it was really make my adrenalin always going rush, but i feel enjoy.

nincak taun kadua nerekel jadi asmen. taun katilu nambah garapan. lian ti ppc dept, kontrol gawe oge ngawengku produksi. aya stamping 53 mesin, spot 12, rivet 3, gas weld 3, tig/mig @1, powder coating 3. oge maintenance dies. supervised about 250 people. ari dina bussines card mah officialy as factory1 ass.manager. i have to control all factory matter.

lamun uing diangsrogan pakarang musuh pasti bakal diayonan bebeakan nepi ka renghap panganggeusan ceuk paribasana. tapi uing maju ka danalaga ngabelaan anak pamajikan. ayeuna nu dibelaan sasatna ditalikung disandera ku beubeurat bangbaluh hirup alatan pating terekelna bubutuh. sabaraha kali ngangluh ka dunungan naha pangasilan hese undakna. basic salary naek tapi komponen lain dirumpungan sarua jeung ngurangan beubeunangan. padahal urusan gawe little litle to me naha ari salary no up up. lieur sugan. meujeuhna mun uing pundung.

sesa hanca gawe kuring salaku QMR aya keneh nu can beres. bada sertifikasi bulan nopember 06 trus advertensi dina MedInd. laporan kapahung gara2 bebengok nipkinz sg can babayar. pokona kudu anggeus ayeuna. all should be clear on monday. clear, then submit my resignation. jeun teuing uang pisah dek dikoretkeun oge.

uing geus tuman susah. sangsara geus ngadaki. tapi lamun aya kasempetan ajang ngabagjakeun nyenangkeun anak pamajikan; WHY NOT, heueuh?

acha...acha...

tanggal 5 kamari isuk keneh kira j8 aya telepon. mani halimpu, ngaleser kana ceuli kenca terus mulubus kana jeroning ati nyaliara kana sakujur awak nu asa rangsak keneh balas jishuken (padahal nu pangcapena mah si aang).

"pa, tiasa teu sumping engke siang?"
"duh, hapunten sun. i have to attend an important meeting after lunch. kumaha pami bada asar?"
"muhun atuh. satengah lima paling elat, nya!"
"insya allah"
leng, karawang. kudu kaudag 30 menit. kumaha mun hujan. ret ka mas maman, asa cahayaan.
harewos2, menyem2. geuk manehna unggeuk.

orokaya, kick off meeting jishuken for P380X nu kuduna dimimitian jam satengah dua, mundur aya kana sajamna. elekesekeng teu puguh rarasaan. beu, aya bahan telat yeuh. untung surantung, satengah opat geus lekasan. nuhun pisan pa herman.

orokaya deui wae. hujan, macet. sajajalan ngarayap. karak bisa tepi jam satengah genep. gok jeung nu dituju. interpiu dihurup ku 5an. in english deuih. tadina mah rada seber. nu dipenta piajangeun ngurus logistik, s1 exp.7 taun, pasehat dina urusan eksim, tur diutamakeun nu geus biasa kana kaizen activities. uing ngan ukur ngandelkeun poin nu panungtung . untung dicehcer teh lebah eta pisan. najan pangalaman asa can sawawa kana masalah kanban, lakadalah lalampahan asa ngadadaklancar.

pamungkas.
"hayang sakumaha atuh?"
"sa ehem," pok teh kagok selon. 2kalieun ti nu ayeuna.
"heug, tapi you have to joint us ASAP. could you?"
"okeh," pok teh bari rada hareugeueun.

alhamdulillah.
gusti, mugi sing maslahat. aya cukang lantaran ngurangan kariweuh.